O porto deportivo de Vilagarcía é o máis importante da ría de Arousa e un dos máis destacados de toda Galicia. As súas instalacións contan co aval da Bandeira Azul da UE, que premia a calidade dos servicios; na actualidade, dispón de 450 prazas de amarre que chegarán a ser 800 nun futuro, edificio náutico con restaurante e área lúdica con bares, pubs e sete salas de cine.

A Ría de Arousa é un lugar único para a práctica dos deportes náuticos durante todo o ano, aínda que o verán sexa a época de máis actividade. As regatas forman xa parte da paisaxe mariña, xunto coas actividades de iniciación da vela que realizan os clubs da comarca.

O peirao de pasaxeiros é peonil, aínda que conta cun garda que permite o acceso para efectua-los labores de carga e descarga, tanto para os practicantes da vela como para a cafetería e a sede do Club de Mar do Liceo Casino, situadas no estremo do peirao.

En canto ó piragüismo e o remo, destaca a actividade do Liceo Casino e do Club de Remo Vilaxoán, ó que se engadirá nun futuro próximo, un Centro de Alto Rendemento de Vela, promovido pola Xunta de Galicia.

• Federación Rexional Galega de Vela
  Peirao da Bouza, s/n – 36.208 Vigo
  Telf: 986 20 72 20 (escola) /23 71 16
  Fax: 986 20 01 10
  
• Club de Mar do Liceo Casino de Vilagarcía
  Peirao de Pasaxeiros, s/n. Vilagarcía
  Telf: 986 50 50 84
  
• Liceo Casino de Vilagarcía
  Rúa Castelao. Vilagarcía
  986 50 19 19.
  
• Real Club de Regatas Galicia
  Avenida da Mariña, 74. Vilagarcía
  Telf: 986 50 01 23
  Fax: 986 50 84 14
  
• Club de Remo Vilaxoán
  Confraría 16. Vilaxoán
  Teléfono: 986 50 61 36