Vilagarcía conta cunha longa tradición deportiva, que abarca case tódolos campos. O Concello conta cun equipo de baloncesto na Liga Feminina (AD Cortegada) e outro na Liga EBA masculina (Inelga BBC), ademais dun club de fútbol feminino en Primeira División (Atlética Arousana) e outro en Terceira (Arousa SC), e un equipo de rugby, en Primeira División (Os Ingleses). Se a esto se suman os demais equipos en diversas categorías, non hai fin de semana na que os vilagarciáns e os seus visitantes non poidan disfrutar de varias competicións entre as que elixir. Pero, ademais, ó cabo do ano celébranse tres eventos de transcendencia nacional.

• Arousa Fútbol 7
  Torneo Internacional de Fútbol 7 Alevín. Organizado polo Arousa SC, iniciou a súa andaina en 1996. A élite do fútbol base de España e Portugal pasou polo campo municipal da Lomba, dende o Real Madrid ó Barcelona, dende o Benfica ó Oporto ou o Boavista. Dispútase na primeira fin de semana de xuño.
  
• Vilagarcía Basket Cup
  Torneo Internacional de Baloncesto Sub 20. Organizado polo Club Baloncesto Vilagarcía, tamén comenzou en 1996. Está considerado como un dos mellores torneos de Europa, por algo por el pasaron o Real Madrid, Barcelona, Zalguiris ou Cibona, ademais de equipos americanos, italianos, alemáns e a maioría dos españois da Liga ACB. Celébrase cada Semana Santa.
  
• Memorial Michi Ares
  Torneo infantil de tenis organizado polo Basket Base Club, en memoria dun xove xogador. Comezou sendo de baloncesto para converterse ó tenis no 2002. Dispútase no mes de setembro.