Esta é unha festa recentemente instaurada, por iniciativa da Concellería de Xuventude. Tódolos vilagarciáns que o desexan reúnense na praza de Galicia para celebrar xuntos a despedida dun ano e a entrada de outro. As uvas, repartidas gratuitamente polo Concello, ó igual que o cava, as grilandas, os confettis e as matasogras, se toman ó son das badaladas do reloxo do edificio de Caixanova. Pero non ás 12 da noite, senón ás 12 do mediodía. E de aí a singularidade desta “festa” que cada ano atrae a un maior número de persoas.