Ademais das festas patronais de Vilagarcía, Carril e Vilaxoán, e das estrictamente gastronómicas, no Concello celébranse outras tres de gran contido popular e, polo tanto, con unha masiva participación do pobo. As dúas primeiras, o Entroido e os Maios, enraízanse nunha longa tradición galega, que nos últimos anos estase a recuperar de forma notable, e a terceira, as “Uvas do 31 de decembro”, ten moi poucos anos de existencia (comenzou no ano 1999) pero en cada convocatoria aumenta o número de participantes (e de botellas de cava e confettis) para celebra-la chegada do novo ano. En definitiva, outras tres propostas para coñecer máis de preto a Vilagarcía e ós vilagarciáns.