O Entroido, festa de fondas raíces no mundo católico, ofrece por unhas horas a oportunidade de transgredi-la orde social e divertirse sen trabas, transformando á muller adulta en bailarina tropical, ó home en colexiala, á rapaza en gángster ou ó rapaz en troglodita. A pesar de que cada ano son máis habituais os disfraces moi traballados, no fai falla máis que roupa vella ou prestada e algo de imaxinación para participar na festa, converténdose nun choqueiro. Ó lado destes disfraces improvisados, participan nos desfiles grupos de elaborados atuendos e coreografías, que invisten meses en prepararse para a festa.

Vilagarcía é unha das cidades da comarca que vive o Entroido máis intensamente. Ademais do concurso de disfraces, con premios en varias categorías, celébrase outro de comparsas. Estas distínguense polas súas letriñas, nas que, con moito humor, faise un repaso dos feitos máis destacados do último ano.

O Entroido comenza en Vilagarcía o sábado de Entroido e conclúe sete días despois, o sábado de Piñata. O domingo de Entroido ten lugar o festival de comparsas e o martes seguinte o de disfraces, con premios en categoría individual, por parellas e por grupos. Moitos establecementos do municipio pechan as súas portas esta tarde para poder participar da festa. Outro acto destacado é o popular Enterro da Sardiña, que ten lugar o Mércores de Cinza; trátase da parodia dun cortexo fúnebre, no que veciños de Vilaxoán acompañan á difunta sardiña ata Vilagarcía, onde rezan as pertinentes oracións antes de que a comitiva fúnebre a conduza á súa eterna morada, en Vilaxoán. Pero as festas se prolongan habitualmente e á marxe do programa uns días máis, ata que o sábado de Piñata se gardan los disfraces, as máscaras e o espírito festivo e vacilón... ata o ano seguinte.