Vilagarcía conta cunha ampla representación de restaurantes e marisquerías. Algúns deles aparecen citados en prestixiosas guías de turismo nacionais e internacionais, o que dá unha idea da súa categoría. Como non podía ser doutra forma, o marisco e os pescados son os reis da cociña destes establecementos, aínda que as carnes non desmerecen. Na carta de viños destaca o Rías Baixas (albariño), se ben tamén se inclúen outros caldos nacionais e internacionais.