Non todo vai ser comida para as ocasións, sobre todo cando un se despraza co coche cargado coa familia e a carteira non está proporcionalmente avultada. Nese caso, é mellor acudir a calquera dos múltiples mesóns e casas de comida que, en calquera punto do casco urbano ou nas parroquias do rural, ofrecen comida caseira, saborosa e sen complicacións, a moi bo prezo.

A taberna do Carril (Farturas):
O alcume do local débese ó abundante das súas racións. Serve dende zorza e pementos de Padrón ata mariscos. Convén reservar.
Xalda, 3. Carril. 986 50 78 76

Abuelo Ramiro:
Dedicado sobre todo ós pescadiños fritidos, polbo e choquiños. É o local de reunión da peña celtista de Vilagarcía “Os Celtauros”.
Preguntoiro, 29. Vilaxoán. 986 50 70 84

Bodegón El Mesón:
Céntrico mesón no que se poden tomar variedade de tapas (tortillas, embutidos, etc) o saborear do menú do día, seleccionando entre varios pratos.
Arapiles, 3. 986 50 00 43

Casa Manolo:
Establecemento de comida familiar, no que se poden degusta-los pratos máis típicos da cociña do país nun variado menú do día.
Concepción Arenal, 16. 986 50 24 52

Gaviota:
Este establecemento familiar e de comidas caseiras presenta varios menús do día entre os que os clientes –traballadores e familias– poden elixir.
Avenida de Cambados, 152. 986 50 20 69

Las Arenas:
Cociña caseira e variada nesta casa de comidas que ofrece habitualmente un menú do día con tres ou catro primeiros e segundos pratos para escoller.
Concepción Arenal, 18. 986 50 27 00

Marisquería Arosa:
Marisquería popular na que se poden degustar polbo, nécoras ou pescadiños, entre outros productos. Decoración sinxela e ambiente agradable.
Avenida Doutor Tourón, 45. 986 50 49 66

O Forno:
Casa de comidas na que se poden degustar dende luras ata tenreira asada, churrasco ou pescada á brasa, todo cociñado nun estilo moi caseiro.
Pablo Iglesias, 6. 986 50 03 78

Pulpería Suso:
Casa de comidas de ambiente familiar. Mentres se degusta a cociña caseira, na que destacan o polbo e os pescados, pode verse o mar de Arousa a través das súas cristaleiras.
Avenida Rosalía de Castro, 117. 986 50 48 16

La Goleta:
Mesón restaurante especializado en mariscos e pescados. Raia, pescada ou ameixas son só algunhas das suxestións de súa carta. Os xoves preparan tamén un cocido completo.
Avenida da Marina, 80. 986 51 12 04

Manú:
Privilexiada localización para este mesón, un excelente complemento á oferta de pubs e bares do porto deportivo. Os clientes poden ve-los barcos atracados na dársena mentres degustan calquera das especialidades da súa carta
Porto Deportivo, s/n.