Castro: Bodega frecuentada principalmente
por xoves, con tapas económicas, viños e cervexas.
Ó fondo ten un patio sombreado con algunhas mesas, para
gozar das noites de bo tempo.
Mareas vivas: Como o seu nome indica, local
de inspiración mariñeira na cociña. Comida
sinxela e viños do país, para tomar unhas “chiquitas”
en agradable compañía. Abarrotado nos días
de mercado.
Curruncho: Decorado nun estilo vagamente
andaluz, é un lugar luminoso e agradable, con boas tapas
e viños. Xoves e maiores disfrutan aquí xuntos
do pracer de tomar unhas cuncas.
Bar Suízo: Chamado como o famoso
bar televisivo, este establecemento ofrece diversas tapas a
base de marisco, pescado e carnes, sempre ben acompañadas
con viños galegos.
Tablizo: Local de agradable decoración
en madeira, luminoso e funcional, dá a dúas rúas
peonais e dispón de dous ambientes diferenciados. Ofrece
unha selección de tapas de cociña caseira.
Insuíña: O mar é o
protagonista no local, tanto nas tapas (os mexillóns
son unha das máis habituais) como nas paredes, que incluén
fotos da superficie mariña a gran tamaño.
Xesteira: A asociación Lar Pro Saúde
Mental ofrece unha saída laboral ós seus pacientes
por medio deste local, de ecoración en pedra e madeira.
As tapas e racións son únicas polo orixinal.
Petisco: Este bar, moderno e luminoso, é
un excelente lugar para non perder detalle do que ocorre en
Vilagarcía, tomando viño mentres se ve a vida
dende a súa terraza ou a través da súa
ampla cristaleira.
Casa Román: Local de reducidas dimensións,
compensa a falla de espacio interior cunha terraza moi coqueta,
de cadeiras e mesas rústicas de madeira. Tapas sinxelas
e sabrosas.
Xentes: Bar de tapas, pero sobre todo de
viños, é frecuentado por un público heteroxéneo.
Decorado con sinxeleza, a súa terraza de altas mesas
é das máis exitosas de Vilagarcía.
