De orixe gótica, a súa traza é renacentista, do século XVI, con abundancia de elementos barrocos do século XVII. No muro Sur conserva unha porta oxival. No interior destaca o retablo, procedente da Catedral de Santiago, e no exterior o fermoso cruceiro do século XVII, con chanzos e plinto, e varal con relevos finamente esculpidos. O cruceiro foi descrito por Castelao na súa famosa obra “As cruces de pedra na Galiza”.