Vilagarcía ofrece numerosos atractivos que o viaxeiro non debe perderse. Nuns casos é preciso descubrilos persoalmente, pero noutros paga a pena recorrer á iniciativa municipal, comarcal ou privada. A oferta varía e renóvase cada ano, polo que é aconsellable visita-la oficina de turismo, a fin de coñece-las últimas propostas.

Para tomar un primeiro contacto con Vilagarcía, nada mellor que deixarse perder polas súas rúas. Pero tamén cabe a posibilidade de facelo a vista case de paxaro, subíndose, para iso, a algún dos seus Miradoiros; ou seguindo algunha das rutas establecidas (dos viños, dos pazos, de sendeirismo...) ou incluso dende o mar, abordo de algún dos catamaráns que surcan a ría, especialmente no verán.