Bohème:
Café-karaoke no que cada fin de semana se pode gozar dunha sesión musical moi concorrida. Ambiente tranquilo nun local moi discreto.

Castelao:
Veterana cafetería, ben situada e moi ampla, é un bo lugar para ir con nenos, que poderán corretear sen tropezarse coas mesas.

Nata:
A especialidade desta cafetería son as copas de xeado e o chocolate con churros, que aquí se poden degustar en calquera época do ano.

Plaza:
Cafetería-escaparate, a través dos seus cristais pode verse o movemento da cidade mentres se toma un café. Ambiente xove na planta superior e máis formal na planta baixa.

El Parque Pirata:
Esta cafetería-pastelería, situada no paseo Costa Candamo, ó lado da igrexa parroquial, conta cunha área de xogos infantís atendida por monitores, onde os nenos poden divertirse mentres os seus pais toman un café ou van facer algunha compra.