Di San Remo:
Establecemento pertencente a unha cadea nacional que combina os servicios de cafetería e restauración. A carta inclúe pizzas, xeados, hamburguesas, sándwichs, tapas e pratos combinados.

República:
Espacioso local, decorado con motivos alusivos á segunda república española e que conta tamén con terraza. Ten unha ampla carta de tes e cafés e varias bandexas de almorzo.

España:
Situada nun inmoble de estilo modernista, esta cafetería soubo mante-lo ambiente e decoración dos bares de antano pese a unha recente reforma. En verán organiza veladas dedicadas a distintos cócteles e combinados.

La Marina:
Coqueta cafetería de día, pub tranquilo de noite, é un dos locais máis veteranos de Vilagarcía onde se pode xogar ó xadrez e ás cartas, tomar unha copa ou charlar cos amigos, todo nun mesmo ambiente.

Café das áncoras:
Café íntimo e acolledor, instalado nunha casiña de dous pisos rehabilitada. Ten tés e cafés internacionais, combinados con outras bebidas e menús de almorzos e merendas.