Bella Arosa:
Cafetería de decoración moderna, con dúas plantas, animada por un constante ir e vir de xente, é un lugar sinxelo pero agradable, para visitar só ou en compaña.

París:
É un sitio bonito e tranquilo, aínda que algo afastado dos lugares máis de moda, con abundancia de madeira na decoración e algunhas revistas para ler. Á noitiña funciona case como un pub.

Tarifa:
Bocadillos, hamburguesas e chocolates nesta cafetería á que adoitan acudir parellas e pandas de xoves. Dispón de dúas plantas ben aproveitadas e decoradas con sinxeleza.

Gambrinus:
Esta cervexería, pertencente ó grupo Cruz Campo, está situada no segundo andar do Centro Comercial Arousa. A súa oferta, ademais de cervexas, inclúe “montados” e outras comidas lixeiras. Organiza actuacións en directo as fins de semana.