Actividades de difusión e sensibilización, dirixidas ó conxunto da poboación. Preténdese aumenta-la sensibilidade da poboación sobre este tema e informar dos distintos recursos municipais, provinciais, etc. Os materiais utilizados son trípticos informativos, campañas específicas (a do lazo blanco, por exemplo) e dossier de prensa, que se fan habitualmente conmemorando datas especiais, o 8 de marzo (Día Internacional da Muller Traballadora) ou o 25 de novembro (Día Internacional contra a Violencia de Xénero).

Talleres de sensibilización dirixidos ás Asociacións de Mulleres. A través deles trabállase a necesidade de visibilizar estas situacións e de crear redes de apoio.

Talleres de sensibilización en igualdade de xénero dirixidos ós adolescentes do municipio. Preténdese analizar, debatir e deconstruir aqueles aspectos que dende unha perspectiva sexista contribúen a configura-la nosa identidade de xénero, coa finalidade de construir unha identidade mais libre de estereotipos e, polo tanto, mais igualitaria co outro sexo.