Protección Civil é un servicio público no que na súa organización, funcionamento e execución participan as diferentes administracións, así coma os cidadáns, mediante o cumprimento dos correspondentes deberes e a prestación da colaboración voluntaria. A acción permanente das administracións públicas no eido da Protección Civil oriéntase ó estudio e prevención das situacións de grave risco, catástrofe extraordinaria ou calamidade pública nas que poidan perigar de forma masiva a integridade física das persoas, e á protección e socorro destas nos casos que estas situacións se produzan.

A Agrupación de Voluntarios de Protección Civil constituíuse o 17 de novembro de 1992.

A Agrupación conta con 42 voluntarios, baixo a presidencia de Javier Guillán Busto.

Ademais das funcións propias, a Agrupación realiza ó cabo do ano diversas actividades de información sobre primeiros auxilios e emerxencias para varios colectivos, pero principalmente asociacións de mulleres, da terceira idade e centros escolares. Do mesmo xeito, colabora en cantas actividades lúdicas e deportivas se celebran na localidade.