Os servicios adscritos a Intervención son:

A administración financeira do Concello corresponde ós departamentos de Intervención e Tesourería.

O servicio de Intervención desenvolve as seguintes actividades:

• Fiscalizar tódolos actos, documentos e expedientes que dean lugar ó recoñecemento de dereitos e obrigacións de carácter económico.
• Ordena-los ingresos e pagos que se derivan dos actos anteriores.
• Intervi-los ingresos e fiscalizar tódolos actos de contido económico.

Dependente de Intervención é o servicio de Rendas, que basicamente se encarga de:

• Liquida-los ingresos municipais (impostos, taxas, prezos públicos e outros ingresos).
• Realiza-las propostas de resolucións dos recursos interpostos contra os ingresos municipais en período voluntario.
• Controla-las altas, baixas e modificacións dos rexistros
• Rexistra-los cambios de domicilios a efectos de notificacións.

Dependente da Tesourería, o servicio de Recadación encárgase de realiza-lo proceso de cobro dos tributos, prezos públicos e outros ingresos, e de realiza-las propostas de resolución dos recursos interpostos contra os tributos en vía executiva de constriximento.

O cobro dos tributos efectúase por dúas vías:

• En período voluntario: dentro dos prazos legalmente establecidos, recollidos no Calendario do Contribuínte.
• En período executivo: unha vez rematado o prazo voluntario, sen que se tivera satisfeita a débeda, iníciase o período executivo. Antes de que sexa dictada a providencia de constrinximento, o pago incluirá un 10% de recargo, pero se xa foi notificada, o recargo será do 20%, máis os intereses de demora devengados e as custas que procedan.

Os pagos en período voluntario poden realizarse mediante dúas fórmulas:

• Liquidacións, a través das contas abertas nas oficinas bancarias colaboradoras.
• Recibos, nas oficinas bancarias e tamén directamente na oficina de Recadación.
Para evitar molestas esperas, recoméndase a primeira opción, é dicir, a domiciliación dos recibos nas entidades bancarias e número de conta que se citan a continuación:

Banco Pastor
0072 0419 32 0000105105

Caixa Galicia
2091 0522 54 3110000064

Caixanova
2080 0067 21 0040033804
2080 0448 76 0040129143

Os pagos en período executivo, en cambio, realízanse exclusivamente na oficina de Recadación.