VILAGARCIA DE AROUSA

CULTURA
O Concello convoca o cuarto premio de poesía “Fermín Bouza Brey”, dotado con 3.000 euros
O Concello de Vilagarcía vén de convocar o cuarto premio “•Fermín Bouza Brey”, considerado como un dos galardóns máis importantes en lingua galega, na modalidade de poesía. A este premio poderán concorrer todos os poetas que o desexen, cun poemario inédito dunha extensión mínima de 400 versos, escritos en galego.

Os participantes deberán enviar cinco exemplares mecanografados do poemario, sen remite identificador, ó Concello de Vilagarcía. Os poemarios deberán levar un lema. Este mesmo lema figurará no exterior dun sobre que se remitirá conxuntamente coa obra e no interior do cal se fará constar os datos persoais do participante. O prazo de presentación das obras rematará o venres, día 30 de marzo, ás 13.30 horas.

O “Fermín Bouza Brey” está dotado cun premio único e indivisible de 3.000 euros. As bases establecen que este premio non se poderá deixar deserto. O xurado será designado polo Concello e estará composto por destacadas personalidades da poesía e a cultura galegas.

O fallo do xurado darase a coñecer o sábado, día 12 de maio, e a entrega do premio terá lugar o 17 de maio, día das letras Galegas, nun acto público que se desenvolverá no salón nobre da casa do Concello. O Concello de Vilagarcía resérvase os dereitos da obra premiada. As obras non gañadoras serán destruídas.

Para promover unha ampla participación, o Concello enviará correos electrónicos a 1.500 escritores da nosa comunidade informando desta convocatoria. Tamén se remitirán as bases a outros Concellos. As bases íntegras da convocatoria atópanse no seguinte PDF.

Descargar PDF